Mihatag na ug katin-awan si First Lady Liza Araneta Marcos labot sa mikatag nga video sa social media sa pag-inom niya sa wine nga gigunitan ni Senate President Chiz Escudero sa vin d’honneur sa Malakanyang Palace.
Gikanayon sa Unang Ginang nga bandang alas-10 sa buntag human niya gitimbaya ang moabot sa 82 ka mga ambassadors ug uban pang international organization representatives, misulod sila sa ceremonial hall ni Pangulong Bongbong Marcos.
Gi-giyahan sumala pa sila kung diin nagtindog sila Escudero ug House Speaker Martin Romuldez.
Sumala pa sa Unang Ginang, sa dihang nakita siya ni Escodero gidayeg sumala pa siya niini pinaagi sa pagkanayong “Wow bilib din ako sa’yo, may energy ka pa after standing and smilling for over an hour at “I’m sure you could use a drink”.
Gikataw-an lamang sumala pa ni FL Liza si Escodero ug nagkanayong “You bet”.
Sa pagbana-bana sumala pa ni FG Liza milungtad ang binayluay nila ug estorya sa Senate President ug napulo ka segundo.
Sinati na sumala sa Unang Ginang si Escudero sukad pa sa una niadtong law school days nila kung diin sa Ateneo siya nagtungha samtang sa UP usab si Escudero.
