DAVAO CITY – Giklaro karon ni Nonito Llanos III, regional director sa Land Transportation Franchising and Regulatory Board Davao Region (LTRFB 11) nga ang pagpatuman sa P1 fare increase sa rehiyon ang dili pa applicable karong panahona.
Sa impormasyong gipagawas sa opisyal, gikanayon niini nga wala matud pay bisan unsang grupo sa transport sector sa rehiyon unse ang mipasaka og petisyon alang sa pagpasaka sa presyo sa pletehan. Matud pa ni Llanos nga magdepende na lamang kini sa mamahimong desisyon sa LTFRB Central Office kung ipatuman ba ang fare increase latas sa tibouk nasud Pilipinas subay sa ilang gihimong pagtuon ning kasamtangan.
Hugot sab ang pahimangno ni Llanos ngadto sa mga pasahero nga wala pa gipatuman ang dose pesos nga minimum nga pasahe dinhi sa dakbayan sa Davao. Ang bisan si kinsa mang drayber sa Public Utility Vehicle (PUV) nga maningil og sobra pa sa gitakda nga presyo sa plete ang mamahimong i-report sa buhatan.
