Nagpositibo sa anti-depressant drug ang lawas sa namatay nga si kanhing Department of Public Works and Highways (DPWH) Undersecretary Catalina Cabral.
Kini ang resulta sa inisyial nga toxicology report sa Philippine National Police (PNP).
Sumala sa preliminary laboratory report gikan sa PNP Regional Forensic Unit–Cordillera Administrative Region, nagpositibo kini sa citalopram, usa ka klase sa antidepressant drugs.
Ang maong tambal usab lakip sa mga narekober sa kapulisan sa ilang pagsusi sa kuwarto sa hotel sa dakbayan sa Baguio diin siya nagpuyo.
Wala usab silay nakitang histopathological abnormalities o terminal diseases sa lawas sa kanhing opisyal.
Gipahayag na ni Interior Secretary Jonvic Remulla nga base sa inisyial nga imbestigasyon, ang kanhing DPWH official naghunos sa iyahang kinabuhi.
