Gilangan pag-usab sa Energy Regulatory Commission ang paningil sa P0.0371 kada kilowatt-hour nga Green Energy Auction Allowance kon GEA-All charge alang sa billing months gikan Septiyembre hangtod Disyembre 2026.
Una nang gisuspenso ang maong singil alang sa Mayo ug Hunyo, samtang gipalugway usab kini alang sa Hulyo ug Agosto.
Matod pa sa ERC, kapin P556.9 milyon ang nahibilin sa GEA-All Fund hangtod Agosto 5.
Dugang pa, igo pa matod sa komisyon ang maong pondo aron matubag ang gibanabanang monthly payments ngadto sa kwalipikadong renewable energy developers, bisan adunay tulo ka bag-ong planta nga gipaabot nga mosulod sa programa.
Lakip sa tumong sa suspension ang pagpagaan sa bayranan sa mga pamilya nga nag-atubang sa taas nga presyo sa mga palaliton ug ubang gastuhon.
Gimandoan usab ang distribution utilities, retail electricity suppliers ug National Grid Corporation of the Philippines nga dili maningil sa GEA-All atol sa suspension.
Sa pagkakaron, gipasidaan sa ERC nga mahimong silotan ang collection agents nga dili motuman sa maong mando. | VIA BOMBO EROS PAJOTA
