Magpahigayon ug special meeting sunod semana ang economic team sa Marcos Administration arun pagahisgutan ang suspensyon sa excise tax sa petrolyo.
Sumala pa sa Department of Budget and Management (DBM), nga mibarog isip chairman sa inter-agency sa Development Budget Consideration Committee (DBCC), aksyonan sa komite ang may kalabutan sa full fiscal implications sa posibleng suspensyon sa excise tax sa lana ingon man husto nga susihon sa economic team ang sakto ug angay nga polisiya.
Gipasabot usab ni Budget Secretary Goddes Hope Libiran nga ilahang balansehon ang paghatod sa paspas nga hinabang alang mga katawhan ug ang pag-reserba sa medium-term fiscal sustainability ug macroeconomic stability.
Kahinumduman nga niadtong Miyerkules, nga gi-permahan na ni PBBM ang Republic Act 12316 isip balaod, kung diin pwede na nga suspendihon sa Presidente o putlon ang excise tax sa lana subay sa rekomendasyon sa DBCC, kauban sa tabang sa Department of Energy.
