DAVOA CITY – Dakpan ang duha ka mga indibidwal nga naghupot og ilegal nga armas sa nagkadaiyang PNP-AFP checkpoints sa Sirawan ug Bunawan kagahapong adlawa.
Sa pakig-alayon sa Task Force Davao ngadto sa Davao City Police Office, sikop ang mga nahisgutang indibidwal nga giilang si Rhendel Roba Yu, 38-anyos nga residente sa Purok 15, San Vicente Panabo City sakay sa iyang Multicab nga adunay dalang 380 pistol puno og live ammunitions sa Lasang Checkpoint bandang alas 10:00 sa buntag. Samtang dakpan sab sa otoridad ang 50-anyos nga si Sabila Sampayan nga taga Purok Awal, San Vicente Extension, Cotabato City sakay sa iyahang Innova bandang alas 3:20 sa buntag. Nasakmit kang Sampayan ang Smith and Wesson Cal. 9mm pistol nga adunay 18 rounds live ammunitions.
Sa pagkakaron, anaa na sa kustodiya sa kapulisan ang mga suspek alang sa gikatakdang pagpasaka og kaso.
Via || DAVID FRANCISQUETE
