DAVAO CITY – Nagpahimangno karon sa Department of Trade and Industry regional office Davao (DTI 11) nga ila pang pahugtan ang monitoring sa kalidad sa mga materyales sa gambalay nga ginabaligya sa mga hardware stores sa rehiyon.
Sumala pa kang DTI Regional Director Jinky Remitio, kinahanglan responsable ang mga retailers sa ilang mga ginabaligya ug dili sumala pa igo ang rason nga gi-supply lamang kanila ang ilang mga produkto.
Hinuon sa kasamtangan wala pa silay nadawat nga kaso nga adunay ginabaligya nga mga substandard o mga pekeng materyales alang sa mga gambalay dinhi sa dakbayan sukad 2018.
Sa kasamtangan, okupado sumala pa sila sa paghatag ug impormasyon kalabot sa mga risgo sa paggamit ug substandard o peke nga mga materyales sama na lamang sa mga bakal ug semento isip kabahin sa ilang regular nga inspeksiyon dinhi sa siyudad. Sa higayon nga mamaligya sumala pa ang usa ka itndahan ug substandard materials, mamahimong mag-atubang kini ug administrative fine nga P25,000.
