Nakapanghatag na ang Department of Social Welfare and Development Field Office XI og P2,000 nga UPLIFT assistance ngadto sa mga household sa rehiyon, base sa update hangtod Agosto 19, 2026.
Matod pa sa ahensya, mikabat sa 618,256 ka household ang nakadawat sa ayuda ubos sa Unified Package for Livelihoods, Industry, Food, and Transport kon UPLIFT.
Dugang pa, gikatahong P136.512 milyon na ang kinatibuk-ang kantidad nga na-disburse sa DSWD Field Office XI alang sa maong programa.
Lakip sa tumong sa UPLIFT ang pagtabang sa mga pamilyang apektado sa epekto sa global energy crisis, ilabina ang kabus ug ubang vulnerable sectors.
Gipatuman ang programa ubos sa Executive Order No. 110, Series of 2026, pinaagi sa whole-of-government approach.
Sa pagkakaron, padayon ang distribusyon sa ayuda ngadto sa mga kwalipikadong benepisyaryo.
Apan, ang gi-report nga 618,256 ka household ug P136.512 milyon nga total disbursement dili nagtugma sa P2,000 matag household, busa gipaabot pa ang klaripikasyon sa opisyal nga datos. | VIA BOMBO EROS PAJOTA
