DAVAO CITY – Gipaklaro sa Department of Social Welfare and Development-Davao Region kon DSWD-Davao nga anaa lamang sa 25,000 ka mga beneficiaries sa rehiyon unse ang mamahimong maka-avail sa educational assistance ilalom sa Assistance for Individual in Crisis Situation (AICS) program.
Sumala ni Atty. Vanessa Goc-Ong, DSWD-Davao Regional Director, sa usa ka pamilya, adunay tulo ka estudyante ang mamahimong mo-avail sa Educational Assistance diin gilaumang anaa sa 25,000 households ang ma cater sa DSWD.
Ning kasamtangan, anaa na sa P23,105,000 ang na-release nga kantidad alang sa 9,520 ka mga beneficiaries. Sa Davao City adunay 2,794 beneficiaries ang naka avail; Davao del Sur adunay 984 beneficiaries; Davao Occidental adunay 1,579 beneficiaries; sa Davao del Norte nahatagan ang anaa sa 2,132 beneficiaries; Davao Oriental adunay 1,434 sab ang natabangan ug Davao de Oro adunay 597 ka mga benipisyaryo ang naserbisyohan.
Sa pikas bahin, subling nagpasidaan ang DSWD nga bugtong paghulog lamang sa dropbox ang pamaagi alang sa pag-apply sa educational assistance. Gikatakda usab nga mobisita ang mga personahe sa DSWD sa mga baryo apan ning kasamtangan nagkamulo pa ang buhatan sa pag cater sa mga buot maka avail sa hinabang.
Sa mga buot nga mo avail sa educational assistance, kinahanglan nga ang applicant magprepara og (2) photocopies sa tanang requirements. (1)photocopy sa valid ID nga dunay (3) signatures sa mga applicants. Kinahanglan usab nga mag andam og original or certified true copies alang sa assessment.
