Mikalas og walo ka kinabuhi ang drone strike nga gilusad sa Ukraine sa kasadpang bahin sa Russia kagahapong adlawa Hulyo 18, 2026, samtang daghan usab ang nasamdan sa maong pag-atake.
Sumala kang Tambov Governor Yevgeniy Pervyshov, pito sa mga namatay mga trabahante sa usa ka distribution center sa Kotovsk human maiigo sa drone attack, samtang usa usab ka indibidwal ang namatay sa susamang pasilidad sa Elektrostal sa Moscow region.
Gibutyag usab ni Pervyshov nga 25 ka mga tawo ang nasamdan sa Tambov, pito kanila ang kritikal ang kahimtang.
Matud pa niya, napukan usab sa Russia ang 28 ka drones sa Ukraine nga giingong adunay mga warhead nga gidisenyo aron makapahinabo og mas daghang kaswalti.
Giangkon sa Ukraine ang responsibilidad sa maong mga pag-atake ug giingon ni Ukrainian President Volodymyr Zelensky nga gitarget nila ang duha ka dagkong logistics facilities sa Moscow ug Tambov regions nga giingong gigamit sa pagsuplay sa mga piyesa alang sa paghimo og drones ug navigation equipment.
Dugang pa ni Zelensky, gitarget usab sa Ukraine ang usa ka oil facility ug uban pang target sa Sea of Azov isip kabahin sa ilang padayon nga operasyon batok sa Russia.
