DAVAO CITY – Nanawagan karon si Department of Labor and Employment in Davao Region (DOLE -11) Director Randolf Pensoy ngadto sa mga walay trabaho nga pahimuslan ang ipahigayon nga 2022 Labor Day Trabaho, Negosyo, Kabuhayan (TNK) Job and Business Fair diin abli sumala pa kini sa publiko karung bulan sa Mayo.
Una ng nasayran sa opisyal nga salmutan kini sa 78 employers diin anaa sa 6,867 ka mga bakante nga trabaho ang itanyag.
Mamahimong modiretso na lamang sa NCCC Mall Buhangin diin himuon ang maong aktibidad.
Mahinungdanon sumala pa ang himuon nga job fair sa labor day ilabi na sa mga na-retrench sa trabaho o mga nawad-an ug trabaho gumikan sa nasinatian nga pandemiya.
Dad-on lamang sumala pa ang mga gikinahanglan nga mga dokumento sa mga aplikante arun nga wala nay mamahimong problema ug diretso na ang proseso sa pagpangapply.
