Misuporta ang Department of Labor and Employment (DOLE) sa panawagan ni Pangulong Ferdinand Marcos Jr. nga itaas sa ₱350,000 ang tinuig nga income tax exemption ceiling.
Sumala kang Labor Secretary Francis Tolentino, makahatag kini og dinaliang kahupayan sa pinansyal nga kahimtang sa mga middle-income workers nga mosuweldo og labaw pa sa minimum wage, ingon man sa gagmayng mga negosyo.
Dugang pa sa kalihim, mas daghang mga empleyado ang makabenepisyo kung mapatuman ang pagsaka sa annual income tax exemption ceiling.
Busa, gihangyo ni Tolentino ang mga magbabalaod nga unahon ang pag-amiyenda sa National Internal Revenue Code aron mapadali ang pagpatuman sa maong lakang.
Matod pa niya, posible nga mapasar kini sa Kongreso sa dili pa matapos ang tuig, lakip ang pagpatuman sa pipila ka administrative relief sama sa tax amnesty nga mahimong ipatuman sa Bureau of Internal Revenue (BIR) ubos sa kasamtangang mga balaod.
