DAVAO CITY – Nanawagan si DOH-Davao Center for Health Development Assistant Regional Director Dr. Lenny Joy J. Rivera sa publiko nga dili mokumpiyansa inay nga pahugtan pa ang mga lakang aron nga moubos ang ihap sa kaso sa mga nagpositibo sa Covid-19 dinhi sa Davao region.
Tipik lamang kini human nga hinay-hinay pa gihapon nga nadungagan ang kaso sa nga nag-positibo dinhi sa Davao region.
Una na sab nga gibutyag ni Southern Philippines Medical Center (SPMC) chief of hospital Dr. Leopoldo Vega nga lisud pa gihapon ibutyag kung ang Davao Region anaa na sa direksiyon nga napugngan ang pagsaka sa kaso sa Covid-19 apan makatabang sa hinay nga pagsaka sa kaso niini ang ipatuman nga social distancing ingon man ang enhanced community quarantine (ECQ).
Kinahanglan sab sumala pa nga tukma ang mga himuon nga lakang aron nga mapugngan ang pagsaka o pagkatag sa nahisgutan nga virus.
