DAVAO CITY – Gikanayon ni Department of Energy XI Regional Director Nilo Geroche nga laoman gayud ang pagsaka sa presyo sa mga produktong petrolyo dinhi sa rehiyon gumikan sa pipila ka mga rason.
Sumala sa opisyal nga usa sa suliran nga gi-atubang karon mao ang source sa supply sa petrolyo hinungdan nga apektado ang presyo.
Gikanayong suwerte sumala pa dinhi sa siyudad gumikan kay adunay daghanang petroleum products facilities apan ang uban nga siyudad ug munisipalidad ang laoman nga mas taas ang presyo gumikan sa gipahamtang nga transport ug howling cost.
Gibutyag sab sa DOE official ang grabe nga market competition sa Region XI hinungdan nga mas ubos pa gihapon ang presyo niinik kung itandi sa uban nga area diin ang mga petroleum gas giants ug small players ang limitado lamang ang ihap.
Daghanang motorista sab ang nagakumpara kung asa mas barato ang presyo sa lana hinungdan nga mapugos ang uban nga mga gas station nga dili una mupasaka sa ilang presyo.
Mihimo na matud pa karon ang DOE uban ang lain pang mga government offices ug mga short term measures arun nga masolusyonan ang oil price increase.
Usa sumala pa niini ang kanunay nga koordinasyon tali sa mga oil companies alang promotional programs nga mulugway ug fuel discounts ngadto sa public transport sector.
Lain nga lakang sab mao ang pagpatuman sa P500 million fuel discount program alang sa mga mag-uuma ug mananagat ingon man ang P2.5 billion Pantawid Pasada Program sa Land Transportation Franchising and Regulatory Board.
Gipasalig sab sa DOE nga ipadayon nila ang hugtanon nga monitoring arun masiguro ang igong supply, quality maintenance ingon man kaayohan ug proteksiyon sa mga konsumante.
