Giawhag ni Department of National Defense (DND) Secretary Gilberto Teodoro Jr. ang mga batan-ong Pilipino nga mahimong tigpanalipod sa kamatuoran ug motabang sa pagpanalipod sa sovereign rights sa nasod sa West Philippine Sea (WPS).
Matud sa kalihim, wala lang nagsalig ang Pilipinas sa kusog sa militar alang sa pagsukol sa mga hulga, apan lakip na usab sa kahibalo, baruganan, ug suporta sa katawhan.
Tungod niini, giawhag niya ang kabatan-onan nga mahimong umaabot nga mga lider sa mga organisasyon, sa nasodnong ekonomiya, ug sa serbisyong publiko.
Gidasig usab ni Secretary Teodoro ang mga batan-on nga motabang sa pagpataas sa kahibalo sa publiko bahin sa mga isyu sa nasodnong seguridad ug sa pakigbatok sa sayop nga impormasyon pinaagi sa mahinungdanong diskusyon nga nakabase sa mga kamatuoran ug international law.
Gihimo ni Secretary Teodoro ang maong pahayag atol sa Ilocano Dialogue on the West Philippine Sea nga gipahigayon sa Batac City, Ilocos Norte, nga nagtumong sa pagpalig-on sa pagsabot sa publiko sa isyu sa West Philippine Sea ug sa importansya sa national resilience.
