Gikumpirma sa Department of Migrant Workers (DMW) nga dili lamang ₱10,000 ang mahimong madawat nga financial assistance sa mga Overseas Filipino Workers (OFWs) nga naapil sa repatriation program sa gobyerno.
Kabahin sa maong ayuda ang AKSYON Fund, o Agarang Kalinga ug Saklolo para sa mga OFW nga nanginahanglan.
Matud sa DMW sa social media post kaniadtong Domingo, Agosto 9, ang ₱10k assistance sinugdanan pa lamang nga tabang alang sa mga OFW nga na-repatriate.
Dugang pa, mahimo usab makadawat ang OFW og ₱10,000 onsite assistance ug dugang nga ₱10,000 gikan sa Overseas Workers Welfare Administration (OWWA).
Moabot sa labing menos ₱30,000 ang financial assistance nga mahimong madawat sa usa ka repatriated OFW.
Gilain usab ang gasto sa gobyerno alang sa pagpapauli sa OFW, lakip ang accommodation, pagkaon ug transportasyon atol sa repatriation.
Mamahimong madugangan pa ang mong mga ayuda human sa assessment sa kahimtang sa OFW, lakip ang panginahanglan alang sa legal, welfare ug medical assistance.
Sumala sa DMW, mahimong moabot sa ₱50,000 hangtod ₱75,000 ang kinatibuk-ang tabang, ilabina alang sa mga OFW nga adunay seryosong kondisyon sa panglawas.
Makadawat og hangtod ₱50,000 nga tabang ang mga OFW nga nahimong biktima sa illegal recruitment ug human trafficking.
Gipasabot sa DMW nga ang maong mga kantidad kabahin sa nagkalain-laing tabang nga mahimong ihatag depende sa resulta sa assessment ug espesipikong panginahanglan sa matag repatriated OFW.
