DAVAO CITY – Gipasalig sa Department of the Interior and Local Government kon DILG Davao del Sur ngadto sa mga bise mayor sa probinsya ang ilang hugot nga suporta sa mga lokal ug nasyonal nga mga tumong.
Nagpahigayon og chapter elections ang mga miyembro sa Vice Mayors League of the Philippines sa usa ka hotel sa Digos City sa miaging adlawa diin naproklamang chapter president si Vice Mayor Johari Gomez Bana sa Digos City.
Gihisgutan sa mga bise mayor sa probinsya ang mga kalampusan ug uban pang mga sugyot sa liga.
Gikanayon ni DILG Davao del Sur Provincial Director Mika-Chan S. Magtulis nga andam ang ahensya alang sa mga hinabang teknikal ug administratibo.
Gipasabot ni Magtulis nga ang VMLP gimanduan nga makigtambayayong sa nasyonal, lokal, ug internasyonal nga mga ahensya ug organisasyon sa pagkab-ot sa episyente ug epektibo nga lokal nga pamalaod.
Ang liga usab nagpalambo sa mga programa nga nagpauswag sa mga kapabilidad sa mga lokal nga lehislatibo nga mga sangay sa ilang nagkadaiyang panggamhanan.
VIA || Bombo LJ Florendo
