Gipahinumdoman sa Department of Education ang mga magtutudlo ug ubang personnel nga magpabiling propesyonal ug responsable sa paggamit sa social media.
Sa memorandum nga gipagawas kaniadtong Agosto 11, 2026 giklaro sa DepEd nga bisan naka-private ang social media account, sakop gihapon kini sa professional ug ethical standards sa ahensya.
Gitutokan ilabina ang mga post nga adunay kalabotan sa mga estudyante, classroom activities, school premises ug opisyal nga katungdanan sa mga magtutudlo.
Matud sa DepEd, nakadawat sila og mga report bahin sa pipila ka social media posts sa teachers ug school personnel nga giingong dili uyon sa ilang standards.
Gipahimangnoan usab ang mga magtutudlo nga likayan ang pangdaot, harassment ug content nga mahimong makapahamtang kanila sa public scrutiny.
Ginadili usab ang personal attacks batok sa mga kauban sa trabaho ug ang pagpakatap og sayop nga impormasyon online.
