DAVAO CITY – Subling magpahigayon na sab og laing scheduled water interruption ang Davao City Water District kun DCWD karong Agosto 27 ug Agosto 30 ning tuig kasamtangan tungod sa power interruption sa Davao Light ug pagtaod sa mga valves sa pipeline sa Dumoy arun malikayan ang non revenue o water loss.
Hinay ngadto sa way tubig ang masinatian sa Agosto 27 gikan alas 12 sa kadlawon hangtod alas 5 sa buntag sa bahin sa Buhangin, Cabantian, ug Indangan. Samtang sa Agosto 30, gikan alas 10 sa buntag hantod alas 6 sa gabie way tubig sa tibuok dapit sa Ilang, Tibungco, Bunawan, ug Lasang.
Pipila sab ka dapit sa Panacan, Sasa ug sa National highway ang makasinati og hinay nga agas. Gi-awhag sab ang publiko na mag pondo og tubig sa mga laton arun adunay magamit ugaling mas dugay o mas sayo mubalik ang agas sa tubig.
