DAVAO CITY – Gipangunahan mismo ni DCPO Director Michael John Dubria ang director sa Davao City Police Office (DCPO) ang paghatag ug regalo sa mga edaran nga nagpabilin sa Co Su Gian Center for the Elderly sa Buhangin Davao City isip kabahin sa aktibidad sa Police Community Relation ingon man pagsaulog sa Valentine’s Day.
Mihatag ang mga sakop sa kapulisan ug mga bulak, regalo, t-shirt ug pagkaon sa mga tigulang. Kalakip sab sa ilang aktibidad ang pagpahigayon ug magical show ug pagharana sa mga edaran.
Nakigduyog sab sa maong kalihokan ang hepe sa Buhangin Police Station nga si Police Chief Inspector Milgrace Driz.
Una ng gibutyag ni Dubria nga gihimo nila kini aron nga ipakita sa mga katigulangan nga aduna pa gihapoy nagmahal kanila bisan nga kadaghanan sa mga nahisgutan ang gibiyaan na sa ilang mga minahal sa kinabuhi.
