DAVAO CITY – Gipasalig karon sa Davao City Police Office (DCPO) nga mapatuman ang mga sumbahan sama na lamang sa Social Distancing sa mga tawo nga moadto sa ilang buhatan aron nga mokuha ug travel authority nga usa sa mga rekisitos aron nga makasulod sa uban nga lugar sa Davao region.
Sumala pa kang Kang Capt. Rose Aguilar, tigpamaba sa DCPO nga adunay mga kapulisan nga gidestino sa lugar diin naglinya ang mga tawo kini aron masiguro nga mapabilin pa gihapon ang Social distancing.
Nasayran sab nga anaa na sa kapin libo ka mga Travel Authority ang na-release karon sa DCPO ilabi na nga dagsa ang mga tawo nga moadto sa ilang sukad nga gitugtan na nga makabiyahe sa mga kasikbit nga lugar sa rehiyon.
Gitataw sab ni Aguilar nga adunay gigahin nga special lane ang DCPO alang sa mga senior citizen, buntis ug PWDs.
