Walay nakitang alokasyon alang sa flood control projects sa tibuok Davao Region ubos sa proposed 2027 national budget, kini base sa pahayag ni ACT Teachers Rep. Antonio Tinio atol sa congressional briefing.
Matod ni Tinio, sa 197 ka district engineering offices sa Department of Public Works and Highways, 113 ang adunay allotment samtang 84 ang wala, ug apil niini ang tanang opisina sa Region 11.
Iyang gipangutana nganong walay nakabutang nga pondo alang sa Davao Region bisan kasagarang makasinati og pagbaha ang pipila ka bahin sa rehiyon.
Mitubag si Acting Budget Sec. Kim Robert de Leon nga ang pangutana kinahanglan idirekta sa DPWH tungod kay sila ang naghimo sa flood control funding proposal.
Matod ni De Leon, kung walay proposal nga gisumiter ang DPWH, wala usab silay basehan nga i-evaluate.
Sa proposed P7.2-trilyong national budget, P107.4 bilyon ang gilakip alang sa flood control, apan wala klarong alokasyon alang sa Davao Region. | VIA BOMBO EROS PAJOTA
