DAVAO CITY – Pormal nang gideklarang insurgency free ang tibuok Davao Region. Gumikan kana sa pagpugsa sa mga nahabiling myembro sa New People’s Army sa probinsya sa Davao Oriental.
Gibutyag kana atol sa nahitabong panagpulong sa Province Peace and Order Council nga gipahigayon sa Mati City.
Tungod niana, hingpit nang giaprobahan sa konseho sa probinsya ang Resolution Number 1 series of 2022 nga nagdeklara sa kasamtangang estado-pangkalinaw sa probinsya.
Gikanayon ni 10IB spokesperson Captain Mark Anthony Tito, nahimong malampuson ang mga counterinsurgency campaigns tungod sab sa hiniusang suporta sa mga ahensya sa gobyerno, militar, ug lokal nga panggamhanan sa probinsya sa pag-implementar sa mga programa sa peace and development.
Gibutyag sab ni Davao Oriental Governor Corazon Malanyaon ang panahon sa pagsugod sa pagmugna ug mga lakang aron mapataas ang industriya sa turismo.
Nagpadayag sa iyang pasalamat si 10ID Commander Major General Nolasco A. Mempin sa suportang gihatag sa probinsya sa ilang pakibatok kontra kagubot ug insurhensiya.
Nanghinaot sab ang kasundaluhan nga magpadayon gihapon ang seguridad ug kalinaw sa tibuok rehiyon sa tabang sa pagpakabana sa mga katawhan.
via || Bombo LJ Florendo
