DAVAO CITY – Nakigpulong si Panabo City Mayor Jose Relampagos sa mga opisyales sa Davao Light and Power Company aron magpaklaro mahitungod sa isyu sa pagtaas sa singilan sa kuryente.
Gikanayon sa Presidente sa DLPC nga si Rodger S. Velasco, dako ang gi-increase sa generation charge kung diin asa ga-angkat ang DLPC og kuryente ug mao kini ang ilang ginadistribute sa ilang mga konsumante.
Ang generation charge midagan sa P8.20 tungod sa kamahal sa krudo ug oil nga kasamtangan nasinati karon sa tibouk nasud ug apil niini ang dollar rate nga padayong nagataas batok piso.
Nagahimo karun ug pamaaagi ang Davao Light nga maminosan ang taas nga singil sa kuryente sama sa paggamit ug renewable energy nga mas barato kaysa sa paggamit ug enerhiya gikan sa krudo.
Ginadalit gihapon sa DLPC ang ubos nga singil sa kuryente sa ubang syudad sa Davao del Norte kontra sa ubang power companies sa tibuok Mindanao nga mukabat lamang sa P3.00 ngadto sa P5.00.
Nag-awhag karon si Mayor Relampagos nga managinot una sa paggamit sa kuryente sama sa pag-unplug sa mga wa gigamit na mga appliances ug paggamit sa mga energy efficient nga mga suga sama sa LED lights.
Gimanduan sab sa mayor ang buhatan nga magpagawas kini ug pahayag sa publiko aron malamdagan ang tanan mahitungod sa pagsaka sa singil sa kuryente.
via || Bombo LJ Florendo
