DAVAO CITY – Giselyohan ni Davao City Mayor Sebastian “Baste” Duterte karung bulan ang usa ka ordinansa nga magmugna ug Davao City Parks System Management Board alang sa pagdumala sa mga pasilidad sama sa public parks, freedom parks, playgrounds, ug sports facilities.
Sa giaprubahang City Ordinance No. 0682-19 kon Davao City Parks System Management Ordinance, gikanayon nga magmugna ug management board nga responsable sa paghimo ug sumbanan sa pagmentenar sa kaayuhan sa mga parke, plaza, protected and conserved areas, ug uban pang mga laaganan sa mga katawhan sa diri sa dakbayan.
Makig-alayon sab ang opisina sa uban pang mga hingtugdan alang sa maintenance ug cleanliness sa nahigutang mga lawak.
Mamahimo sab nga pagamugnaon sa maong ordinansa ang usa ka Technical Working Group aron magtabang sa opisina sa pipila ka responsibilidad nga pagabuhaton sa maonng bag-ong opisina.
via || Bombo LJ Florendo
