DAVAO CITY – Magpahigayon ug two-minute lockdown sa tibuok Davao City atol sa ipahigayong simulation exercise kon SIMEX karung simanaha.
Sumala pa ni Col. Darren Comia, Task Force Davao Commander, sa maong hinaling duha ka minutong lockdown, mabansay ang kahanas, kaandam ug kaabtik sa tanang mga personahe sa safety and security units diri sa dakbayan.
Magpatuman sab ug rerouting alang sa mga sakyanan nga mangagi sa may dalang Torres ug paluyohan kini sa CTTMO-Davao, Highway Patrol Group ug DCPO.
Kahinumdumng gianunsyo sa Public Safety and Security Command Center niaging simana nga magpahigayon ug simex nga pagasalmutan sa tanang mga sangay panseguridad diri sa dakbayan.
Lauman nga maghatag kini ug matud pa panic sa katawhan tungod sa close-to-reality nga simulation apan dili dapat mabalaka ang publiko niini.
Ipahigayon ang simex sa usa ka dakung iskwelahan sa Torres St. ning dakbayan apan walay gibutyag nga eksatong adlaw ug petsa aron maawhag ang tanan nga mag-igmat kon ugaling mahitabo kini.
Pagabansayon sa maong SIMEX ang matud pa mga incidente sa security crisis sama sa pagpamomba, pagpamusil ug pang-hostage.
via || Bombo LJ Florendo
