Misaka sa 40 degrees Celsius ang heat index sa Davao City alas-1:00 sa hapon karong Agosto 12, 2026, base sa datos gikan sa DOST-PAGASA Davao.
Matud sa monitoring, ang air temperature sa siyudad anaa sa 32.5 degrees Celsius samtang ang relative humidity mikabat og 65 porsyento.
Ang maong heat index anaa sa lebel nga “Extreme Caution,” diin posible nga makasinati og heat cramps ug heat exhaustion ang mga tawo nga dugay ma-expose sa init nga panahon.
Gipahimangnoan ang publiko nga magmatngon tungod kay ang padayon nga pagbuhat og pisikal nga kalihokan ilalom sa kainit mahimong mosangpot sa heat stroke.
Gidasig ang mga residente nga kanunay mag-inom og tubig aron malikayan ang dehydration ug likayan ang dugay nga pagpabilin sa direktang silaw sa adlaw.
Gipahinumdoman usab ang mga nagtrabaho sa gawas nga magpahulay matag higayon kung gikinahanglan ug bantayan ang timailhan sa heat-related illnesses.
Padayon ang pagmonitor sa kahimtang sa kainit sa Davao City pinaagi sa mga may kalabutan nga ahensya. | VIA BOMBO EROS PAJOTA
