Misaka sa 41.3 degrees Celsius ang heat index sa Davao City alas-2 kagahapong adlawa, Agosto 17, 2026, nga nahulog sa Extreme Caution category.
Base sa monitoring, narekord ang air temperature nga 33.1 degrees Celsius samtang 64% ang relative humidity sa dakbayan.
Ubos sa Extreme Caution, posible nga makasinati og heat cramps ug heat exhaustion ang usa ka tawo tungod sa dugay nga exposure sa grabeng kainit.
Gipasidaan usab nga ang padayong pisikal nga kalihokan ilawom sa init nga panahon mahimong mosangpot sa heat stroke.
Tungod niini, gipahimangnoan ang publiko nga kanunay mag-inom og igo nga tubig aron malikayan ang dehydration.
Gitambagan usab ang mga residente nga limitahan ang dugay nga pagpabilin sa gawas ilabina panahon sa pinakainit nga oras sa adlaw.
Padayon usab ang pagmonitor sa heat index sa Davao City aron mahatagan dayon og pahimangno ang publiko kung mosaka pa ang kainit. | VIA BOMBO EROS PAJOTA
