DAVAO CITY – Gumikan kay daghanan karon ang anaa sa ilang tagsa-tagsa ka mga panimalay ug limitado ang paggawas gumikan sa covid-19 pandemic, angayan pa gihapon nga magbaton ug igong kaalam ang publiko kung unsa ang mga angayan nga himuon ilabi na kung adunay masinatian nga kalamidad sama na lamang sa linog.
Kahinumduman nga kagahapong adlawa gipahigayon ang simultaneous earthquake drill pinaagi sa online diin gisalmutan kini sa mga opisyal sa National Disaster Risk Reduction (NDRMMC) lakip na sa mga CDRRMO ug MDRRMO ingon man uban pa nga mga hingtungdan nga ahensiya sa kagamhanan.
Nag-uynang katuyuan niini nga dili malimtan sa katawhan ang mga nag-unang lakang nga himuon sa higayon nga adunay ug anaa sulod sa panimalay.
Dakong tabang pa gihapon ang pag-duck, cover and hold sanglit daghanang mga butang nga anaa sulod sa panimalay ang mga tagak sa higayon nga masinatian ang kusog nga pagtay-og.
Angayan sab sumala pa nga i-andam ang mga butang nga gikinahanglan sa higayon nga adunay kalamidad o Go Bag nga gi-undan sa flash light, tambal, hygiene ug first aid kit ug mga pagkaon.
Una ng nasayran nga sa bulan sa Nobyembre ipahigayon usab ang 4th nationwide earthquake drill.
