DAVAO DEL SUR- Giturn-over na sa Department of Agriculture XI – Philippine Rural Development Project kon DA-PRDP XI ang Farm-to-Market Road kon FMR nga nagkantidad og P110.90 Million ngadto sa Provincial Government of Davao del Sur sa milabayng adlaw.
Ang maong 5.99 kilometer rehabilitated nga dalan ang ubos sa PRDP I-BUILD Subproject nga nagabyahe sa produksyon sa mangga, sa lubi, nagkadaiyang matang sa saging, mais ug produksyon sa cacao sa upat ka barangay sa Munisipalidad sa Malalag nga mao ang; Ibo, Bulacan, Pitu, ug Bolton.
Ang maong turn-over ceremony sa milabayng adlaw ang gipangunahan ni DA-XI Regional Executive Director Macario D. Gonzaga nga mao usab ang PRDP-PSO Mindanao Project Director.
Gipasi-ugda niini ang importansya sa Farm-to-Market road diin ginagamit kini nga transportasyon sa mga produkto sa mga mag-uuma ug maka-abot ang maong mga produkto sa mas daghang konsumante.
Dugang pa niini nga kini nga subproject ang makapauswag usab sa pag-access sa mga serbisyong social tungod mas dali alang sa mga tawo sa mga komunidad nga maka-access sa mga kinahanglanon nga serbisyo sama sa edukasyon, pag-atiman sa panglawas, ug tabang sa gobyerno.
Samtang si DA-PRDP Regional Project Coordination Office XI (RPCO XI) I-BUILD Component Head Marc Adrian Baddongon ang nagkanayon nga ang kalampusan sa proyekto ang resulta sa hiniusang paningkamot ug aktibong kolaborasyon.
via/ DMA
