CTTMO duna na’y bag-o nga hepe, Poliquit sa demolesyon na nadistino

DAVAO CITY – Mangatungdanan na ang bag-ong modumala sa City Transport and Development Office (CTTMO) sugod ugmang adlawa.

Gipahimutang sa nahisgutan nga pwesto si Retired Police Supt. Deonecio Abude, nga mao pa gihapon ang hepe sa Anti-Scam Unit sa dakbayan.

Gi-andam ang usa ka simple nga handover ceremony ug sa outgoing CTTMO head Rhodelio Poliquit.

Sumala pa kang Abude nga iyang ipadayon ang mga maayong nasugdan ni Poliquit sa CTTMO, lakip na ang pagpahugot sa pagpatuman sa Anti-Jay Walking Ordinance.

Si Poliquit mao na ang ipahimutang isip bag-ong hepe sa demolition team sa dakbayan.