DAVAO CITY – Gi-awhag karun sa Davao City Covid-19 Task Force ang mga simbahan sa dakbayan nga kumbinsihon ang mga musimba nga magpabakuna gumikan sa bahad sa bag-ong variant sa Covid-19.
Kahinumduman nga nagpabilin pa gihapon nga gamay ang ihap sa mga nagpa-booster shot ug naglaum ang ahensiya nga daghanang mga residente ang mo-avail niini ilabi na kadtong muadto sa mga mass gatherings sama na lamang sa Santos ng misa.
Kahinumduman nga plano karon sa lokal nga kagamhanan nga makapahigayon ug mobile vaccination sa mga buhatan sa gobyerno ug mga business establishments arun nga musaka ang booster coverage sa dakbayan ilabi na sa mga empleyado.
Dinhi sa Davao region, nakatala ang Department of Health-Davao ug 3,021,109 ka mga indibidwal nga fully vaccinated batok COVID-19. Sa nahisgutan nga ihap, anaa sa 408,807 ang nakakuha na sa ilang booster doses.
Subli sab nga gipasabot sa Covid-19 Task Force nga luwas ang bakuna ug wala sumala pay angayan nga kabalak-an ang mga mupailalom niini.
