DAVAO CITY-Subling nagpahimangno si Atty. Krishna Caballero, tigpamaba sa Commission on election (Comelec) 11 ngadto sa mga mikandidato sa May 2019 midterm election nga kinahanglan ilakip sa pagsumite sa mga nahisgutan ang kinatibuk-an nga gasto niini sa pagpangampanya gamit ang online.
Sumala pa kang Caballero nga gawas sa pagpabuhat ug mga campaign materials, angayan sab nga makita sa Statement of Contribution and Expenditures (SOCE) sa mga kandidato ang gasto niini gamit ang social media nga isumite human ang ipahigayon nga eleksiyon.
Mihatag sab ug katin-awan ang Comelec nga walay balaod nga nagdili sa mga kandidato nga mangampanya gamit ang online o ang social media.
Dugang ni Caballero nga imonitor sumala pa sa ahensiya ang mga social media account sa mga kandidato hinungdan nga mas maayo sumala pa nga isumite na lamang kini aron nga dili mapasakahan ug reklamo.
