DAVAO CITY- Pormal na nga milingkod karong adlawa si P/Col. Lito Patay isip Officer Incharge sa Davao City Police Office Director.
Kini ang gikumpirma ni PCapt. Hazel Tuazon kaganihang buntag pinaagi sa gipahigayon niini nga command conferrence pasado alas siyete ang takna kaganihang buntag ug wala na’y gipahigayon.
Gipulihan ni Col. Patay si kanhing OIC Col. Suguilon nga mibalik karon sa PRO-11.
Una ng gikabalita niadtong miaging semana nga sa adlaw nga lunes karong semanaha pormal kining molingkod apan wala kini mahinayon human usab sa kalit nga kamanduan sa pag-relieve sa disinuybi ka mga OIC ug Station Commanders sa DCPO ug gipangdestino kini sa PRO-11 ug mga Provincial Police Offices.
Una paman kini nadistino sa PRO-11, nagsilbi una kining hepe sa Tagum City ayha kini gibalhin sa kauluhan isip hepe sa Station 6, Batasan sa Quezon City ilawom sa Quezon City Police District (QCPD) niadtong panahon sa admininstrasyon ni Kanhing Pang. Rodrigo Duterte.
Samtang gibalhin sab kini sa Central Visayas isip director sa Criminal Investigation and Detection Group kon (CIDG).
Nasayran nga ubos sa iyahang pagdumala sa buhatan, gipangunahan niini ang usa ka operasyon niadtong 2019 sa online gambling operation sa Mactan, Lapu-Lapu nga miresulta sa pagkasikop sa 181 ka mga chinese national.
Samtang sa hisgutanan nga drug war sa miaging administrasyon nga giimbistigahan karon nga sumala pa adunay nahitabo Extra judicial killing, usa si Kernel Patay ang bag-uhay lamang nga gipatawag sa usa ka komitiba sa KAMARA ug gipailawom kini sa pagdungog ilabi pa nga ang Station 6 sa Quezon City, atol sa iyahang paglingkod adunay daghan sumala pa nga mga napatay nga mga suspetsado.
Nasayran nga migradwar si Col. Patay sa Philippine National Police Academy kon (PNPA) CLASS of 1996 ug nadistino kini dinhi sa Davao region nga sumala pa niini atol sa pagdungog sa Kamara, halos tibuok panahon sa iyahang pagka-pulis dinhi na sa rehiyon.
Nasayrang naggikan sa probinsya sa Sequijor ang bag-ong molingkod nga hepe sa DCPO.
Samtang kagahapong adlawa pormal na usab nga milingkod ang bag-ong Station Commanders sa dakbayan human sa gipahigayon nga turn-over ug assumption of office sa presidential hall sa DCPO nga wala giabrihan sa mga media.
Samtang sa laing bahin, karon lang subay sa nahipos nga impormasyon sa Bombo Radyo Davao, gi-relieve na sa katungdanan si Col. Patay.
Sumala pa, pulihan si Patay ni Colonel Sherwin Butil, ang Chief sa Regional Information and Communication Technology Management Division o R10 sa PRO 11.
Nagpaabot pa ang PRO 11 sa order sa pagtuboy kang Butil isip OIC SA DCPO.
