DAVAO CITY- Magpahigayon ang City Government of Davao kauban ang nagkadaiyang ahensya sa panggamhanan og City-Wide Culture of Security Simulation Exercise sa usa ka tulonghaan sa F. Torres St. ning dakbayan sa wala pa mataknang oras ug adlaw sunod semana.
Subay niini, nagpahimangno na daan ang panggamhanan ngadto sa tanang Dabawenyo nga dili mag-panic gumikan usa lamang kini ka simulation exercise.
Posible sab nga mahimong guot ang dagan sa trapiko ug madelatar ang byahe sa maong adlaw busa ginahangyo sa tanang Dabawenyo ang pagsabot ug pag-cooperate sa maong aktibidad nga makatabang sab sa pagsiguro sa seguridad sa dakbayan.
Ipahigayon ang maong Simex isip pagpakusog sa kampanya sa syudad mahitungod sa Culture of Security diin kung “May Nakita, Dapat Magsalita”. Ang maong kalihukan ang gipaluyohan sa Task Force Davao, Public Safety & Security Command Center ug Davao City Police Office.
