Giaprobahan sa 20th Davao City Council ang ikaduhang pagbasa sa amendment sa City Ordinance No. 0334-12, nga nailhan usab nga Comprehensive Traffic Code sa Davao City.
Ang pagbag-o nagpalawig sa bisa sa Motorized Transport Operator’s Permit (MTOP) fee ngadto sa duha ka tuig, nga magtugot sa mga tag-iya o operator sa mga motorsiklo nga tricycles-for-hire sa mga nagkadaiyang area sa syudad.
Ang bag-ong MTOP fee nga Php 1,999 alang sa duha ka tuig, nga mas ubos kini tandi sa karaan nga annual franchise fee nga Php 1,620 gumikan lakip na niini ang Php 500 nga registration fee nga kolektahon matag duha ka tuig.
Ang pag-usab nagwagtang sa pulong nga “annual,” nga nagpasabot nga ang bayranan sa duha ka tuig mamahimo nga Php 1,990, imbes nga Php 3,440.
Gipasiugda sa konseho nga ang tumong niini mao ang pagdasig sa 15,000 nga nagdagan nga Motorized Transportation for Hire (MTH) units sa Davao City nga magparehistro ug mag-legalize sa ilang operasyon, gumikan kapin 5,000 ra ka MTH units ang narehistro sa syudad.
Sumala pa ni Chona Advincula, ang labaw sa Motorized Vehicle Franchise and Regulatory Division sa CTTMO, nga ang pagbag-o makapahimulos sumala pa sa mga operator gumikan maka-menus kini og dako.
Magpatuman gihapon ang CTTMO og five-unit per franchise rule ug mag-deploy og mga tawo aron siguruhon nga mag-sunod kanunay ang mga MTH units ning dakbayan sa mga bag-ong regulasyon.
