DAVAO CITY – Padayon ang pag-awhag sa Davao City Health Office (CHO) sa tanang magtutungha, mga magtutudlo, admin staff ingon man sa mga ginikanan nga magpabakuna bisan alang lamang sa first two primary series ug booster aron maprotektahan ang tanan batok sa COVID-19.
Gibutyag usab ni Dr. Ashley Lopez, acting department head sa City Health Office, nga dili mandatory ug dili pugson ang mga magtutungha sa pagpabakuna apan adunay mga tulonghaan nga nagkihanglan og RT-PCR negative test result ilabi na sa mga 4th Year College Students o intern students ayha sila makasulod sa ilang nagkadaiyang mga klase.
Subay sa maong protocol, adunay mga nagpositibo nga mga estudyante apan dili kini angay nga kabalak-an tungod anaa lamang sa 10% ang mga nagpositibo diin asymptomatic lamang kini nga kaso ug mamahimong mag-quarantine lamang sa nagkadaiya nila nga mga panimalay. Ang pahayag ni Dr. Ashley Lopez, Acting Department head sa Davao City Health Office.
