DAVAO CITY – Gipahigayon karong adlawa sa Capitol lobby sa probinsya sa Davao de Oro ang “Capitol Market Day” diin dungan kini sa pag-selebrar sa Civil Service Month 2022.
Gitanyag sa mga nagkadaiyang farmers association ug small business entrepreneurs sa nahisgutang probinsya ang ilang mga nagkalain-laing mga produkto sa uma susama na lamang sa mga gulay, prutas, tsokolate, chicharon, bugas ug uban pa nga “Tatak Davao de Oro”.
Lakip sa misalmot nga mga asosasyon ug mga entrepreneurs mao ang DAVAO DE ORO FARM PRODUCTS, RICHWA, NAFAMCO – SAN RICA/YOUNG FARMER PRODUCTS, MAMPCO/MAMA EARTH, TWEETY POULTRY FARM/NCF FARM, SWIP 1 BENEFICIARY FARMERS ASSOCIATION, NABUNTURAN VEGETABLE GROWERS ASSOCIATION, NABUNTURAN FARMERS TABO ASSOCIATION ug ICBAKES. Gidagsa sa daghanang mga indibdwal ang maong pagdisplay sa mga produkto gumikan gawas sa lab-as kini, abot kaya ra usab ang presyo niini.
