DAVAO CITY – Nakatala og 16% increase sa business permit renewal ug bag-ong mga applikasyion ang Davao City Business Bureau sa unang lima ka adlaw sa renewal period.
Gikanayon ni City Business Bureau head Maribel Paguican, miabot sa 14,000 ang mga business applications ang ilang nakolekta sa miaging simana kon itandi sa lapas usa ka libong aplikasyong nadawat kaniadtong unang simana sa renewal niadtong 2021.
Sigun pa sa opisyal, usa kini nga maayong indikasyon nga ubay-ubay nang nakabangon ang ekononmiya sa dakbayan gikan sa nahimong epekto sa pandemya sa nakalabayng duha ka tuig.
Naglaum ang opisyal nga daghan pang mga business owners ug tax payers ang mudagsang sa mga business renewal one-stop-shops aron magproseso sa ilang business permits.
Samtang nanawagan sab si Paguican nga pahimuslan ang online payment platform sa ilang buhatan alang sa mas paspas, kumbinyente ug kumportableng transaksyon, ug makalikay sa huot ug taas nga pila.
Gilauman karon sa Business Bureau nga makabuhat og singkwenta mil ka mga renewal ug bag-ong business permit application alang sa tuig 2023.
via || Bombo LJF
