Gipataas sa Bangko Sentral ng Pilipinas ang key policy rate og 25 basis points ngadto sa 5% aron mapugngan ang padayong inflation risks sa Pilipinas.
Kini ang pinakataas nga policy rate sukad Hunyo 2025 ug mikabat na sa 75 basis points ang total rate increases sukad gisugdan sa BSP ang anti-inflation campaign kaniadtong April ning tuiga.
Human sa desisyon, mihuyang ang Philippine peso og ₱23.8 centavos ug nagsira sa ₱61.888 batok sa US dollar, bag-ong all-time low nga milapas sa ₱61.847 record kaniadtong Hulyo 24, 2026.
Matod sa BSP, bisan mikunhod ngadto sa 6.2% ang inflation kaniadtong Hulyo, nagpabiling labaw kini sa 3-percent target. Gi-monitor usab ang volatile oil prices, posibleng severe El Niño ug wage increases.
Gipaubos sa BSP ngadto sa 6.1 percent ang inflation forecast karong 2026, apan gipataas ngadto sa 5.4% ang projection sa 2027.
Matod ni BSP Governor Eli Remolona Jr., pre-emptive ang rate hike aron maatubang ang emerging inflation risks.
Samtang, posibleng makatabang ang pagbangon sa government spending aron masuportahan ang hinay nga ekonomiya sa ikaduhang bahin sa tuig.
