Gisaway ni Senador Sherwin Gatchalian ang sugyot nga i-postpone ang 2026 Barangay at Sangguniang Kabataan Elections (BSKE) kay kini supak sa konstitusyon ug maghatag og kawad-on sa karapatan sa mga botante nga makapili og gusto nga opisyal. Matod pa ni Gatchalian nga wala nag kulang ang pondo sa gobyerno alang sa mga programang ayuda maong dili sab angay maapektohan ang uban nga sangay sa gobyerno.
Sumala pa niya, nga mikabat sa P9 bilyon ang gitagana alang sa BSKE nga mas gamay kumpara sa P230 bilyon nga pondo nga mamahimong pagagastuan alang sa mga social aid programs. Ang maong pahayag ni Gatchalian kini human sa rekomendasyon sa pipila ka magbabalaod nga i-realign ang budget sa BSKE arun matubag ang krisis sa enerhiya.
Samtang si Senador Imee Marcos nga igsuon sa presidente suportado sab ang pagpostpone sa BSKE 2026.
Giklaro sad sa Commission on Election (COMELEC) nga ginabawal sa Korte Suprema ang paggamit sa election budget para sa uban nga kalihukan. Apan kung amyendahan ang maong balaod wala silay mahimo kon dili motuman sa pagpadayon o pag postpone sa barangay polls
.Base sa datos sa komisyon, kapin 3.9 milyon ang bag-ong botante nga naka rehistro para sa BSKE 2026, halos ikatulohon nga katas-on kesa sa target nga 1.4 milyon. Ang maong piniliay gitakda unta sa umaabot nga Nobyembre 2, 2026, human gi-postpone kini sa orihinal nga petsa nga Disyembre 1,2025.
