Gipahinumdoman ang mga motorista nga limitado lamang sa light vehicles o mga sakyanang adunay maximum gross weight nga lima ka tonelada ang pag-agi sa temporaryong Bailey Bridge sa Barangay Callawa, Davao City.
Ang mga heavy vehicle nga molapas sa lima ka tonelada gikinahanglang mogamit sa temporaryong access road nga nahimutang tapad sa Bailey Bridge.
Gipatuman ang maong weight restriction aron mapadayon ang kalig-on ug maayong kondisyon sa temporaryong tulay, ug aron masiguro ang kaluwasan sa mga motorista ug pasahero nga moagi niini.
Gina-awhag ang tanang motorista nga hugot nga mosunod sa gitakdang weight limit ug sa mga traffic signs nga gibutang sa maong lugar.
Gipahinumdoman usab ang mga drayber sa heavy vehicles nga dili mosulay og agi sa Bailey Bridge kon molapas sa lima ka tonelada ang ilang sakyanan, aron malikayan ang kadaot sa temporaryong tulay ug posibleng peligro sa mga naggamit niini.
Giawhag ang tanan nga mag-amping ug mosunod sa mga pahimangno sa traffic personnel alang sa hapsay ug luwas nga pagbiyahe. | VIA BOMBO EROS PAJOTA
