DAVAO CITY – Dakpan ang usaka babaye atubangan mismo sa gate sa Halls of Justice sa Ecoland ning syudad gumikan sa paghupot ug daghanang shabu.
Giila ang suspect nga si Sheila Reynes, taga Toril ning syudad sa Dabaw.
Kahinumduman, pasado alas 9:30 kaganinang buntag sikop si Reynes sa mga ginsakpan sa San Pedro Police Station diin nakuha sa iyang posisyon ang tulo ka mga dagkong pakete sa shabu.
Nasayran nga itunol unta sa suspect ang nahisgutang mga shabu ngadto sa mga piniriso nga gikan mitambong sa hearing sa ilang mga kaso sa korte.
Nalisdan pa ang kapulisan pag-suta sa illegal nga druga sanglit giputos kini ug maayo. Gawas sa condom nga gisudlan sa tulo ka dagkong sachet mga sachet, gi-palaman pa kini sa pan ug gisulod sa gamay nga karton nga adunay marking tuna pie, ug gipalibutan ug masking tape.
Sa gihimong interogasyon sa kapulisan, gibutyag ni Reynes nga igpo lamang niyang gidawat ang nahisgutang putos bugti sa dos mil ka pesos nga kuwarta.
Nagdumili na usab ang suspect sa pagbutyag kung kinsa ang nagsugo kaniya. Apan gikanayon sa kapulisan, dugay na silang nakadawat ug report bahin sa kalihukan sa dinakpan, gani sayo pa kaayo kanainang buntag nag atang na ang mga otoridad atubangan sa Halls of Justice.
