DAVAO CITY – Luyo sa kanunay nga pahimangno sa otoridad nga likayan ang pagpameke ug resulta sa RT-PCR test, laing indibidwal na sab ang nasikop sa otoridad gumikan pa gihapon sa susama nga kalapasan.
Una ng nakiglambigit ang mga personahe sa Hagonoy PNP sa Sasa Police station alang sa pagsikop sa usa ka Alyas Joy, residente sa Purok Dos, Brgy. Malabang, Hagonoy, Davao del Sur.
Gilusad ang operasyon human ang gi-isyu nga Warrant of Arrest ni Hon. Mark Louie L. Zabala, Presiding judge MTC Branch 6 ning dakbayan sa Davao gumikan sa paglapas sa City/Municipal Ordinance ug piyansa nga P3,000.00.
Gikatakda sab sumala pa nga pasakahan ug kasong paglapas sa RA 11332 o QUARANTINE HEALTH PROTOCOL sa Davao International Airport. Una ng nasayran sa otoridad nga muadto unta ang dinakpan paingon sa Cebu City apan nasayran sa otoridad nga gipeke diay niini ang iyang RT-PCR test ug QR CODE.
Nagpabilin karon sa kustodiya sa Hagonoy MPS si alyas Joy alang sa tukma nga disposisyon.
Kahinumduman nga dili lamang ang nahisgutan ang nadakpan nga nagpeke sa iyang RT-PCR test dinhi sa Davao region sukad nga nagsugod ang pandemiya sanglit usa kini sa mga nahimong rekisitos sa higayon nga mubiyahe paggawas ug pasulod sa dakbayan.
