Giunay matud pa sa pagpatay sa suspek nga giilang si “Carlo,” ang iyang asawa ug duha ka mga anak gamit ang sundang nga gikakurat sa mga residente sa Sitio Ugan, Lutac, Naga, Cebu karong buntag, Enero 27, 2025, bandang alas 9 ang takna sa buntag.
Matud sa mga otoridad, una paman ang maong mangilngig nga krimen, nakit-an si Carlo nga daw wala na sa husto nga panghunahuna. Gituohan usab nga migamit kini og ilegal nga droga.
Sa karun, padayon pang gipangita sa kapulisan ang suspek human kini miikyas sa dapit diin nahitabo ang krimen.
Nabalaka usab pag-ayo ang mga residente sa lugar ug nanawagan alang sa dinalian nga hustisya alang sa mga biktima.
“Kaluoy intawon sa mga anak ug asawa. Unta madakpan ang kriminal”. Matod sa usa sa mga silingan nga naguol pag-ayo sa nahitabo.
Sa pagkakaron, nagpadayon pa ang mga awtoridad sa ilang imbestigasyon sa makalilisang nga insidente sa pagpatay sa gikaingong padre de pamilya ngadto sa iyang kaugalingong asawa ug mga anak.
