DAVAO CITY – Nagmalampuson ang gilusad nga intensified Anti-Colorum Operations sa Land Transportation Franchising and Regulatory Board (LTFRB XI) ngadto sa Davao del Sur.
Kini subay sa mandato sa ahensya sa pagsiguro nga luwas, komportable, ug kasaligan ang pampubliko nga mga transportasyon sa rehiyon unse. Gikanayon ni Regional Director Nonito Llanos III nga pinasahi ang gihimong Enforcement Operations sa Davao del Sur gumikan tibuok pwersa sa ahensya ang milugsong sa mga kadalanan aron magpatuman sa mga balaod ug polisiya sa LTFRB.
Nabahin ang Enforcement Team diin adunay na-assign sa Brgy. Sinawilan – Chekpoint doul sa Sta. Cruz – Digos City boundary; ug Checkpoint doul sa Hagaonoy – Digos City boundary. Ang duha ka grupo ang gipangunahan ni Regional Director Llanos, inubanan sa tropa ni Highway Patrol Group XI Regional Chief PCol. Jomair Estrada, ug LTFRB XI Legal Officer Atty. Ernest Benz Davila.
Sulod sa duha ka oras nga operasyon, 18 ang nasikop sa buhatan diin gilangkuban kini sa siyam ka PUV ang nasikop ug na-isyuhan og Inspection Report Summons o IRS. Usa ka UV Express ang out of line/colorum; Duha ka UVE ug usa ka Taxi isip defective dashcam; Usa ka UVE ang overloading; Usa ka PUB alang sa failure to carry CPC; ug tulo ka FilCab alang sa failure to carry SP. Hingpit nga nagpahinumdom ang LTFRB XI sa publiko nga dili magpasagad og sakay sa mga colorum nga Public Utility Vehicles (PUVs) aron malikayan ang aberya sa pagbyahe.
