DAVAO CITY – Nangayo karon ug pakitabang ang usa ka grupo sa mga magtutudlo sa mga bag-ong napiling opisyal nga unta hatagan na ug pagtagad ang dugang sa mga magtutudlo nga nagpabilin pa gihapon karon nga naka-ong-ong.
Sumala pa kang Alliance of Concerned Teachers (ACT) Davao City division president Reynaldo Pardillo, head chapter sa nahisgutan nga union, padayon nila karon nga gi-lobby ang increase, ilabi na nga gikatakda na sab nga magsugod ang Senate ug House of Representatives sa ilang sesyon sa bulan sa Hulyo.
Sumala pa kang Pardillo, sila si senators Sonny Angara ug Christopher “Bong” Go ang misaad nga mangita ug pundo alang sa suweldo sa mga magtutudlo ug mangita sab sila ug pundo aron nga masuportahan ang teaching materials sa mga pampublikong tulonghaan latas sa nasud.
Bisan nga gidumala karon ang education committee nila ni Sherwin Gatchalian , chairman sa basic education committee ug Senator Joel Villanueva chair sa higher education committee, naglaom si Pardillo nga hatagan pa gihapon ug prayoridad ang ilang petisyon.
Nanawagan ang ACT nga dungagan ang suweldo sa mga magtutudlo sa Salary Grade I teachers diin gikan sa P16,000 hinuon kini nga P30,000 alang sa Teacher I, ug P31,000 sa Instructor I.
Bisan nga adunay increase, anaa lamang kini sa P575 sa Teacher I, P789 sa Teacher II, ug P1,008 sa Teacher III.
