-- ADVERTISEMENT --

Gipangulohan ni Davao City Police Office o DCPO City Director PCOL Peter Bauzon Madria ang emergency meeting sa Kapanalig Hall, DCPO, niadtong Nobyembre 21, 2026, aron hisgutan ang mga importanteng lakang kalabot sa kalinaw, seguridad ug episyenteng pagserbisyo sa publiko.

Lakip sa mga gihisgutan ang kasamtangang kahimtang sa peace and order sa siyudad, lakip ang mga estratehiya ug bag-ong pamaagi aron mas mapalig-on ang operasyon sa kapulisan.

Gipasiugda usab sa maong tigom ang panginahanglan sa tukmang koordinasyon ug dali nga pagresponde sa nag-usab-usab nga panginahanglan sa komunidad.

Matud sa DCPO, kabahin kini sa ilang paningkamot nga mapalambo ang kapabilidad sa kapulisan ug masiguro ang pagpatuman sa balaod pinaagi sa propesyonal, responsable ug matinud-anong pagserbisyo.