Gihisgutan ang posibleng pagpalig-on sa kooperasyon tali sa Türkiye ug Davao City atol sa pagbisita ni Turkish Ambassador to the Philippines Kaan Esener kang Davao City Mayor Sebastian “Baste” Duterte niadtong Nobyembre 19, 2026.
Gipahigayon ang courtesy visit sa Davao City Hall, diin unang higayon ni Esener nga mibisita sa siyudad isip opisyal nga representante sa Türkiye.
Lakip sa mga oportunidad nga gihisgutan ang pagpalambo sa patigayon, pamuhunan, pakigtambayayong sa mga negosyante ug kalamboan sa ekonomiya.
Pinaagi sa maong pagbisita, gilauman nga mas mapalig-on ang relasyon sa Türkiye ug Davao City ug maablihan ang dugang oportunidad alang sa mga mamumuhunan ug lokal nga negosyo.
Kabahin kini sa paningkamot sa siyudad nga mapalapad ang internasyonal nga relasyon ug makadani og dugang pamuhunan gikan sa ubang nasud.











