Nadakpan sa kapulisan ang usa ka giingong drug suspect atol sa pagpatuman sa search warrant sa lungsod sa Compostela, Davao de Oro.
Gipahigayon ang operasyon sa mga personnel sa Compostela Municipal Police Station, sa koordinasyon sa Drug Enforcement Unit sa Davao de Oro Police Provincial Office.
Narekober sa operasyon ang lima ka heat-sealed plastic sachet nga adunay sulod nga gituohang shabu, lakip ang usa ka itom nga coin purse.
Giila ang nadakpan sa alyas nga “Ada,” nga giatubang sa kasong paglapas sa Republic Act 9165 o Comprehensive Dangerous Drugs Act of 2002.
Gidala sa Compostela Municipal Police Station ang suspek ug ang mga nakumpiskang ebidensya alang sa hustong dokumentasyon ug disposisyon, samtang giandam na sa kapulisan ang mga dokumento alang sa pagsang-at sa tukmang kaso.
Padayon usab ang kampanya sa kapulisan batok sa illegal nga droga pinaagi sa mas hugot nga operasyon ug koordinasyon sa mga kaubang ahensya.
